Hi there Num-NumZ!
missed me?
:D
أدري ... أدري
طولت عليكم حبايبي بس كنت بلوية شوية
and NOOOOO
ما تزوجت- ولله الحمد
لكن كل ما في السالفة إني كنت ماخذة إجازة من كل شي
علشان أقدر أرتب أموري وأعيد حساباتي براحتي
عاد اللي يقرا الحين يقول: إسكت! البنت لقت لها حل لقضية فلسطين ورجعت لنا
أما أنا فأقدر أقول لكم وبالفم المليان
Hell No!
:p
حياتي الحين لوية أكثر من أي وقت ثاني
لكنني تعلمت وايد أشياء بالفترة اللي طافت, من أهمها إنه
لو الإنسان شايل شي وقام قطه في كل مرة يتعب فيها من الحمل, على بو بيرجع يشيله مرة ثانية عقب مايرتاح
راح يرد ويمكن يلاقيه على حطته أو يلاقي الطيور طارت بأرزاقها
أو ألعن... ممكن يكون إرتاح وايد لدرجة إنه الحين ما يقدر يشيل نفس الحمل مرة ثانية
عاد أنا كنت على وشك إني أسوي جذي وأسحب عليكم سحبة من النوع الزين
وآخذ لي تقاعد مبكر من التدوين والمدونات والمدونين بعد
بس قلبي ما طاوعني... وبعدين ما أقدر على فرقاكم
حدي ولهانة على كل اللي تعرفت عليهم هني
وناطرة الباقيات الصالحات اللي- إنشالله- بتشرف بمعرفتهم تالي
:D
أنا إخترت يوم الجمعة علشان أرد فيه لأنه يقولون
ليلة الجمعة كل الشياطين مجتمعة
فأنا حبيت إني أوافيكم بآخر ما توصلنا له بالإجتماع
;p~~
نشوفكم على خير اليمعة الياية إنشالله
Big Bosa 4 u ALL :*
10 comments:
بالسلامة
مع العلم بأني ما أدري لين الحين ليش رحتي ولا شسويتي وأنت غايبة
فهد:
الله يسلمك حجي
عاد حجيت لو بعد؟
:D
أما شنو سويت؟ فجوابي هو "كل خير" ... هيهيهي
... خو إحنا نسوي مصايب ونقول إحنا ما سوينا إلا كل خبر
:p
الحمد لله على السلامة
يحتاج الكل الى فترة مراجعة للنفس او حتى اجازة ولو كانت طويلة شوي
المهم نبي تقرير :p
ولد الديرة:
لوووووووووووووول- علمني على
Twitter
وأعطيك التقرير
:p
والله يسلمك ويبقيك يا ولد ديرتي
:D
مساج الله بكل خير اخيتي الزين
فقدناج من غير شر
بس املنا ان تكونين بخير و صحة
ولهنا على سوالفج
بانتظار بوستاتج بفارغ الصبر
:)
الحمدالله على السلامه
ولكم بااااك :)
ma ba'3ena !!!!
wb
عثماني:
الله يمسيك ويصبحك بالخير يا خوي وعساك ما تفقد عزيز
:D
Fishah:
يا حياج الله ومشكورة عمري
:]
حبيت النك الكيوت مالج لأني أموت بالسمج... ديري بالج لا على يوم اكون يوعانة وأعضج
:p
5ayrhaa:
لول مو بس إنت اللي خايرها, كلنا خايرينها ولله الحمد
:p
7ayak Allah bro :D
Post a Comment