قواكم الله حبايبي :D
سوري إني مقصرة معاكم بس لابتوبي خربان-بعيد الشر عنكم, وقاعدة أحصل الإنترنت بطرق تقدرون تقولون إنها ملتوية شوي...ههههه
وقتي ضيق على هالإنترنت كونكشن اللي عندي إياها وما اقدر أرد على كل تعليقاتكم حبايبي, بس هذا رد مخصوص على أخونا العزيز ولد الديرة
والله إنت قلبك متروس
شكله الجيب مشقوق وتطير منه الفلوس
صدقت!
في وايد حريم مخهم من السوقة ملحوس
همهم التفشخر لإشباع شي فيهم بالمظاهر مهووس
جم واحد شايل هم؟
جم واحد حاس بغم؟
جم واحد بسبة هالديون في السجون محبوس؟
بس نرجع لك يا مظلوم
لا تعتب عالوالدة-الله يحفظها- ولا تقط عليها اللوم
إنت اللي يبته لنفسك
إي نعم!
إنت وكل واحد سوا وبيسوي فعلك
قطيت عمرك في بحر بدون ما تعرفه... بدون ما تاخذ وقتك
ياما شباب وبنات على بالهم ميدان الزواج سهل
جنه مول لكل واحد متملل وبخاطره يتمشى ويحوس
وأهالينا -الله يهداهم- يستخدمون كل وسائل الضغط...وحيييل ... دووووس
جنه علل يبون الفكة منها أو هم عالقلب مكدوس
بس حلفتك بربك
لي غابت عنك ما تحس إن اللي غابت شمسك؟
أو لي قبلت عليك وانت مو معطيها ويه... ما يفز لها قلبك؟
ولا لي شفت هالجسم...
ما تقول يا حلوها! ويا حلو هالثغر المبتسم؟
كل هالصحة من جم سندويشة وقنجة مجبوس؟
أما الشعر... فاسمح لي... موديلك قديم
أو معلوماتك مو ذاك الزود بالحريم
الناس قالت شِعر بهالشَعر وطوال الشوارب للمس خصلة منه مستعدين يناطحون تيوس
أما القصر... فطول ما إنك اطول منها فالآدمية ما عليها بأس
أفا عليك بس!
لا يقص عليك الشيطان وييبك روس
منت فقير-الله يزيدك من نعيمه
ولا انت متعوس
منت متقبس-اسم الله عليك
ولا انت منحوس
كل ما في الموضوع إن ميزان أمورك شوي معفوس
يبيله صبر منك ومن عقلك هالراكز قرار مدروس
ولا تنسى إن الطيبة هي الأصل في النفوس
عسى الله يهديكم ويسخركم لبعض ويجعل لكم من العافية ملبوس
ويكون لكم الخير بكل طريق لابد وبكل زاوية مدعوس
16 comments:
خطاه السو :))
ezain_kilah
:)
شقول و شحجي
قايل لج من اول
الله خالقني اشوف الصوبين
إنتي يبتي جانب وانا يبت جانب
واللي ما يقدر النصف الآخر فيه علة
لكن
فكريا فيه
Mars
و
Venus
و عساج سالمة
eng_q8:
خطاك اللاش
تسلم ياخوي :D
ولد الديرة:
أحترم رايك ووجهة نظرك والله يهنيك على تقديرك للطرفين
بس انا ما اشوف زهرة ومريخ... أنا ببساطة اشوف ارض وأشوف بشر, ما اشوف مرأة ورجل
ومن قال سالم :)
حلوة النصيحة بلباس الشعر
حجي نهاش:
حلت دنياك وآخرتك ياربي يالله :D
:>
تسلم إيدج
ومايشوف شر لابتوبج
صلحيه لا تخلينه على هالحاله
ويعطيج العافية على هالكلمات اللى وجهتيها لولد الديرة
ما تشوفين مرأة ورجل!
معقول!
انا احب المساواة بس مو لهالدرجة :)
يا عزيزتي
عيل راحت فيها مؤلفات عظام نصها يتكلم عن الرجل و نصها يتكلم عن المرأة يا حسافة الورق والحبر فيها :)
ezain_kilah
لول
توني انتبه حق التيوس :)
انا اقول الله يهني التيوس بالشَعَر الغجري
كرمج الله :)
مايشوف شر اللاب توب
:)
سلامات
aldenya:
الشر ما ييج وتسلمين حبيبتي
-------
ولد الديرة:
لوووووووول
-------
حمودي:
الشر ما ييك حجي
-------
بو عسكر:
يسلمك ويخليك :)
لووووول
حلو ردج عليه
الله يعيينه لوول
خل يتزوجني عليها لووووووووول
--
حبيبتي ادعي حق جهازي انا بعد لان العدوى شكلها انتقلت لي .. بس انا النت تنح وياي هاليوومين الله يستر
Selezya said...
خل يتزوجني عليها لووووووووول
فال الله ولا فالج :)
وابتلي بثنتين
!
مَضُنِش كلش
Selezya
مع شديد الإحترام لشخصك الكريم ترى اتغشمر
اخاف تطلعين زعولية مثل بعض الناس :)
لووول
لالا عادي اخذ راحتك
:p
زين ليش يعني والله شحليلي
هههه الزين يويلج اذا فتنتي حق بوعسكر
Post a Comment