أدور بهالسكيك بعد ما صارت غرفتي سجن
في عيوني غيم مطره عيَا بقلبي يندفن
والكلمات تتسابق على لساني ومو لاقية إذن
أرجع لداري...
أندعس بفراشي...
أحاول أنسى همي وأغطي عيني بهالجفن
أصحى ألاقيها ما ذاقت طعم النوم وتزيد أحزاني حزن
ما عليكم أمر... شوفوا لي حضن
حضن يحبني
بكل عيوبي
بكل إينوني يقبلني
عفية... شوفوا لي حضن
حضن... ضحكة عيونه صفا
لمسة إيدينه شفا
شفاي تبوسهم ظهر وبطن
تقفووون! شوفوا لي حضن
أرفع راسي للسما...
أشوف القمرة تطالعني وتبتسم
شالفايدة وانتي ما عندج الإيدين اللي تلم؟!
بشروا؟... عسى لقيتوا لي حضن؟
مو أنا كان عندي واحد
بس أخخخخ... خرَب علينا حاسد
واللي في بالي من غير شي من وقت للثاني موكلني ت*ن
مع هذا كنت اطوف
أسوي عمري ما أفتهم جني واحد متخلف
ودمعي ما فكر في لحظة عليه يمن
لكن ظلمه لي يوم عن يوم في زيادة
والمصيبة مو راضي يعترف بغلطه من يباسة راسه وعناده
لدرجة انبنى بيني وبينه حاجز هالمتن
أواه عليك يالحضن!
أدري إني بعد ما قصرت
الله يسامحه...
وصلني لمرحلة معاها... خلاص... طفرت
بس هم المفروض قلبه علي شوي يحن
يلومني مرة... يعاتبني بكلمة او نظرة
وفي النهاية كل خير فيني يظن
مو جذيه يكون الحضن؟
حسافتك والله!
ما هقيت إنك بهالسهولة عني تنفتن
ما توقعت إني في حبك أنغبن
لأ! هذا وسواس من المنلعن
غلاي في قلبك كبير... كبير
ما ينوزن
عيل ليش رافض تسمعني؟
ليش مصر من حنانك تمنعني؟
ليش تخليني من ألمي أون؟
شدعوة يا حافظ؟!
ليش مو راضية تعطيني حضن؟
20 comments:
اي والله يبيله حضن
الله يعينج واييبلج الحضن الدافي
بس ترى قالها سليمان الملا
يا نبع الوفا الصافي يا حضننا الدافي حبج علينا وافي يا ديرتي يا كويت
هذا احسن حضن
عاد يا كثر اللي يحسدون بالكويت
لووول ياحلوج عليج تحلطم مو طبيعي بهالشعر
فديتج والله هالحضن اللي خلاج والله مو حضن يستاهلج :)
نطرري بس وبتشوفين كل من بالدنيا عليج يبيج :)
وكلنا يالبلوقرزز بنصيرلج حضن
آمري بس
كلش ولا الزين :)
:*
الحين حددي موقفج
تبين ولا ما تبين
ولو تبين من وين اييب لج
ولو ما تبين احسن وايد عشان ما تتحلطمين لو انحسدتي
اقترح تنطرين نصيبج وايد احسن من المنه باجر بس تستانسين يقولون احنا يبناه لج
الله يعينج
:))
أنا حاضر
بس إنتي داقة الريشة
;P
لوووووووووووووووول فديتكم والله! شاكرة لكم هالدعم هذا كله
بس اقول حبايبي... ردوا إقروا آخر سطر من البوست
بو عسكر:
شنو يعني داقة الريشة؟
خبرك ثقافتي ألماني ;p
مني الي مو راضيه ؟؟؟
حمودي:
واحدة... بس شنو واحدة؟ ما في مثلها بهالدنيا! ... ولا مليون حضن يعوضني عن الحضن اللي تلمني فيه بعيونها فما بالك إيدينها؟!
عسى الله يسخرها لي ويسخرني لها ويهدينا لبعض... قول آمين
اشعليكم من الحاسد
الي يلحق الحاسد مايعيش
آمين
منو هذي؟
حسبالي بدليه؟
راضيه؟ مو راضي؟؟
مادري
خربطتيني
زين وينج صايره قاطعه ماتمرين كلش :)
حاااالتج صعبه
ازيد من احمد نجاد,,,مالج
الا تستشيرين لوير,,,تعرف تكسر
حضنهم
فمالله
ياااااااابعد قلبي قلبج
واي حاسه فيج حاسه
تبين حضن؟
والحضن الحنون زعلان؟
اذا الحضن حضن الغاليه فاهي تتدلع وتبيج تراضينها
وميخالف طولي بالج والغاليه بترضى
انتي
والبوست
والتحطلم
والتعبير عن المشاعر
كله كله حلو
يا الزين كله
:*
وين هالغيبه عسى المانع خير
لحظة
!
ما فهمت
(ليش مو "راضية" تعطيني حضن؟)
من هي اللي مو راضية
!
شبهة :)
احنا محد راضي يعطينا ويه والاخت تبي حضن
ماكو على حضن الجدة
صاج
من منطلق المساواة
اطالب بإلغاء الحضون
بصراحه قريتها اكثر من مره
ليش ؟
لان الكلام صادق
يشرح حالة ما
يشبه كلاما قد كتبته البارحه
وايد عجبني الكلام وايد
لانه يخليك تبتسم وتحاتي دمعتك
q8i_blogger:
أنا أشهد
بس هي اللي لحقته مو أنا :(
-------
حمودي:
ماشاالله! الظاهر إنك دعيت لي من قلب
تسلم لي ياخوي :D
-------
sallooza:
هاها... هقيتج تعرفينها
سامحيني ياوخيتي... ظروف
-------
أجار الدين كشمش:
اسم الله عليها! ليش الأذية؟
فمان الكريم حجي
-------
estekankan:
يعجبني فيج إنج فاهمتني ومعاي عالخط ;)
بس ياوخيتي السالفة كبرت ومصخت, مو تدلع يتعالج بشوية مساحل
بس أبشرج... الغيوم كل مالها وتنقشع والله يهدي النفوس :D
-------
eng_q8:
خير بويهك حجي
شاكرة لك سؤالك علي :D
-------
ولد الديرة:
يبا بعض الظن إثم
أنظر تعليق إستكانة... يا حظي
-------
فريج سعود:
أنا عين السيح الكل لي حضن
بس وانت الصاج حضن الوالدة اهو اللي ماكو عليه
-------
ولد الديرة:
الله لا يقول! فالك ما قبلناه!!
-------
barrak:
عجبتني (تبتسم وتحاتي دمعتك)... إنك تتحرر من هالمحاتاة وتخلي دمعك يهطل ويغسل قلبك شعور مريح في موقف تعيس
مثل الراحة بعد شرب دوا مر
كلامك شهادة أعتز فيها
تسلم حجي
مو الكل يبي يسقط شيءهالأيام
انا اطالب باسقاط الحضون :)
اذا تم مشروع اسقاط الديون :P
Post a Comment