أبي رد لإعتباري
أبي أحد ينقذ لي كرامتي من الإهدارِ
أبي أحد يمنع هالمهزلة من التكرارِ
أبي رد لإعتباري
تعبت من الملاحق
مليت من هاللعبة
اللي فيها ولد إبليس القطو
وأنا ما غيري الفارِ
أبي رد لإعتباري
عيب
قاهرتني هالكلمة
ذابحتني هالنظرة
اللي محرمة علي إني أثور لكرامتي
أو حتى أييب لهالموضوع طاري
أبي رد لإعتباري
قطعة شورت...بنطلون...دشداشة أو وزارِ
بالنسبة له التطاول علي مستباح
كأني واحدة من الجواري
ما فرقت وياه إذا أقط الطير من السما
أو أخلي المنظرة ودها تلوذ بالفرارِ
عادي عنده إذا أنا سفور أو عيوني مو مبينة من خماري
كله واحد
لأن الحبيب بس همه يتسلى ومن ثم... ساري
أبي رد لإعتباري
على باله إني إذا شفته راكب الهومر أو يبتون بالفراري
اللي أقرب ماله ماخذها سلف أو مو بعيدة بالأجارِ
بتنهد وأقول...يا عمري نظرتك هيضت ناري
إخذني البر...البحر...إنشاالله سفاري
جود أضبطك ويصير عرسنا في نهاية الشهر الجاري
لا حول ولا قوة إلا بالله...أبي رد لإعتباري
أبي واحد يقدر أنوثتي
وهذا من حقي...ما في داعي للإنكارِ
لكن بنفس الوقت يحترمني
وما يجرحني بالرذيل من الأشعارِ
أكون له همسة...فكرة...بسمة
مو ضحكة لأصدقاءه ومدعاة للإفتخارِ
يخاف علي من نفسه
ويسكني وسط روحه في قصر عالي الأسوارِ
أبي واحد يرد لي إعتباري
27 comments:
صح لسانج
لو قايله
ماله ماخذها سلف أو مو بعيدة اقساط من التجاري
عشان تركب مع الباجي ((:
بس الصراحه عيب هالملاحق. وانا كله اخرب عليهم جني مادري
إذا وراي الصبي يبي يلحق بنت تلاقيني اخفففف وان مر يمي اسوي روحي اكتب مسج واهو يخزني وانا يعني مادري شالموضوع
تسلم ايدج
الحقيقة الاخلاق انعدمت والكل مسترخص الكل
خلج واثقة من نفسج
تحياتي
انا اشوف ان البنيه التكانه العاجل محد يتحرش فيها ختى لو تحرش فيها واهي معطته طاف يمشي
ف رد اعتبارها انها ما تلتفت حق هالاشكال وتصون نفسها حق زوجها واذا ما تزوجت تحترم اهلها وبلا سوالف حب وخرابيط
حقج علينا اذا أحد غلط عليج
احنا نتأسف عنه
بخورها شوي
مماااااااااالت عليه هاللي شايف نفسه عليج حااصله الزين كله بسس صج مو شايف خير
حبيبتي اعتبارج موجود ومحفوظ لا تخلين اللي مثله يهزونج :)
وصح لساانج يسلم هالبوء
ويعقوبو لووول حده عايش الجو
الاخلاق للاسف مو عند الكل
والاشكال الي انتي متضايقه منهم ما يسوون حتى انج تعطينهم نظره لانه تواجدهم صار مثل الورم الخبيث بكل مكان
اعتبارج محفوظ ولا تحرين عمرج
هالاشكال بالذات مو كفو
مو لهم حرية الاختيار
بس نسوا حريتهم تنتهى عند بدءهم لايذاء الاخرين
يعقووبوو:
عشت! إي والله كفو
حياك الله والساعة المباركة اللي زرت فيها المدونة
---------------------
bo_sale7:
بو صالح جانا وفرحنا بو بعد غيابو... أهلاً بو صاااااااالح
لول... ومن قال سالم
أفا عليك! إحنا بنك الثقة في الكويت, بس تقدر تقول إنها قرصة إذن على كفخة خفيفة عالراس لكل من ينتمي لهالفئة, جود الله يهديهم ويكفون الناس من بلاهم
في النهاية... كما تُدين... تُدان
وتحياتي لك حجي
-----------------------
eng_q8:
يا حياالله من يانا وأهلاً وسهلاً بالزميل
كلامك درر باشمهندس ويبين إنه صادر من إنسان خلوق ومحترم-الله يحفظك ويخليك لأهلك- فاسمح لي اضيف لك نقطة بسيطة يمكن غابت عن بالك
لأنك ريال ومن خيرة الرياييل إنشاالله ما عندك فكرة شلون إن هالأشكال مستعدين يلحقون ذيل عباية طايرة, وما همهم بنية تكانة أو رجلة
وعموماً الغلط ما يبرر غلط, يعني بس علشان البنت في شي في لبسها أو تصرفها غير لائق هذا ما يعطي أياَ كان الحق إنه يغلط عليها لأن الهادي الله
كلش ...كلش... بدل ما يقط واحد عديم الحيا-وانت والقارئ محشومين- كلمة قاصرة أو رقم, خيقول لها عيب! اللي قاعدة تسوينا غلط
لكن الواقع إنه هالأشكال التعيسة حاسبينها بالطريقة التالية... إي هذي شكلها خفيفة ومو بعيدة سهلة خليني أجرب حظي معاها
ناس نفوسهم دنية الله يبعد عنا الشر
وهمسة في إذنك... الحب مو عيب ولا حرام... العبرة في شلون إحنا نحب
حياك الله مرة ثانية وأتمنى دوم تنور المدونة بتعليقاتك الرزينة
------------------------
فتى الجبل:
نهاش يا خوي دايماً تسعدني بدعمك وتفهمك... الله لا يحرمني من تعليقاتك الجميلة
وحشا والله والحشا عن الف يمين! أنتوا أكرم وأشرف من إنكم تتأسفون عن هالأشكال
---------------------
sallooZa yally a7la min shakalai6a fy no9aha loza:
أفا عليج قطوة! إخذي راحتج عمري, انا ما عندي رقابة هني... إحنا اسم الله علينا كلنا كبار وفاهمين كل واحد/واحدة فينا رقيب نفسه, اللي بخاطرج كتبيه طالما "أنتي" تشوفينا مناسب
وانتي الصاجة قاط عمره مو شايف نفسه, وفي الحالتين هي إهانة لشخص كل بنت
صح بدنج وتسلمين لي ياالغالية
----------------------
magnoonah:
أموت وأعرف من هالمينون اللي يقول عنج مينونة؟
العقل كله فيج عسى ربي يحفظج ويحميج ولأهلج يخليج
يا طعم إنت يا نونة ;D
------------------------
برقوشة:
صدقتي يا وخيتي
بس الشره مو عليهم, على المجتمع اللي يشجعهم ويقول لهم أنتوا شايلين عيبكم
صح لسانج
لا ادري متى سنتخلص من تلك النظرة للفتاة بالكويت .
اي واحد عنده هومر لا تعطينه وجه واذا مو مقدرج حبي غيره وشكثر ناس تساهل تنحب وتقدر واذا رافع خشمه مالج شغل فيه طنشيه
لووول تدرين شلون شلج بالحب الحب يعور الراس
عموما صح لسانج
مشكوره على الكلام الحلو
وادري ان في شباب جذي واشوفهم واعرف منهم وايد
وانا مو قاعد ادعي المثاليه اهني ولكن هذا الصج.. نعم انا شاب واكيد يلتفت اذا شفت بنيه حلوه بس في بنات اقول الله يتمم عليها ترى البنيه بمشيتها ونظرتها تقدر تبعد هالاشكال عنها ولا احد يقدر يمسها بكلمه حتى لو كان لبسها شنو .. في بنات عندنا عن عشر رياييل وانا اخوج
وبالنسبه للحب ادري ان الحب مو حرام ولكن للاسف اختلفت معايير الحب هالايام وصار مجرد كلمة تنقال للوصول لغايه اخرى للاسف للاسف للاسف
كثيرون من هم يبحثون عن الحب ولكن هالايام في احد يستاهل في احد يقدس هذا الشعور الجميل ويترجمه الى اسمى المعاني ويتوجه بالتتويج الصحيح دعيني اخبرك انهم قله قليله وكل شخص يتمنى ان يكون منهم ولكن ما نيل المطالب بالتمني
حمد:
صح إبدنك
جريب إنشاالله-وانا اخيتك-جريب
-------
حمودي:
tank u ... tank u
متشكرين قوي يا فندم
المهم إنها تكون عجبتك يا باشا ;D
-------
bekefe:
هاهااااي! يا حلوج والله ويا حلو تعليقاتج
أندري ياوخيتي... ناس يبيلها تكسير راس
صح بدنج *****
-------
eng_q8:
إي والله صدقت
بارك الله فيك
صح لسانج
يعطيج العافيه
اي ده يا بت؟
يا الحلاوة دي؟
بتيجي الكلام من فين؟
:)))
اعتبارج يا الغاليه محفوظ
واخذيها من اخيتج..ما غيره بو حقور
اي بو حقور
خطة رد الاعتبار انج تحقرين
وتحسسين التافه اللي خلا كل مشاغل الدنيا ويلاحق ببنات خلق الله انه ذبانه
اي اي ذبانه
يعني لا تلتفتين حتى ولا تحسسينه انه موجود بالاجواء لو يدش بشبه ولا برصيف انتي بو لباس
:)
اشفيني اليوم بو حقور وبو لباس
:Pp~
إي والله نبي رد لإعتباركن و إعتبارنا.
قلة من هؤلاء المراهقين و الشباب قد أساؤوا للجيل الجديد بسبب هذه التصرفات اللامسؤولة
تسلم إيدج على هذه الكلمات و العبارات التي تحاكي أوضاع أخواتنا
Eng_Q8
يا عزيزي ليست سالفة بنت تكانة او خفيفة..للأسف في سشباب ما تعتق حتى لو صخله تمشي بحالها بسبب قلة التربية و الحيا
اشوه اني بعت
الهمر بالصيف
؟؟
فمالله
احم احم وهم بعد احم
عادووج انتي بعد.. مدونات البنات صارت كلها شعر
بعدين ليش تاخذين شارع الحب
اخذي الدائري الرابع كله بريكات وما يمدي الواحد يخز واذا طول بالخزة تلقينة ثاني يوم بكراجات شويخ
شفيه ايميلج طفرني وما قدرت ادز شي
اهو في ناس سنعه
بس نادرا
وصدقيني فيه
اما هذيل اللي كل واحد يجابل المنظره اكثر من عروسه
ولا اللي يأجرون سيايير سلف
ماوراهم خير
بس حلوة سالفه يبتون بالفراري
ضحكت استمتعت تألمت
كم انثى وكم رجل يحتاج لرد الاعتبار
عجبني وصفك للفار
q8i_blogger:
يصح إبدنك ويعافيك ...مشكور وما تقصر
-------
estikankan:
loooooooooooooool
شفتيني وأنا أشعر؟ يحفظج ويعز غاليج
تسلمين لي
-------
عتيج الصوف:
يا حيا الله من يانا ويا هلا ومرحبا
يسلمك حجي
إي والله في ناس ما تعتق صخلة
-------
أجار الدين كشمش:
الله يهداك جان بعتها علي! وأنا آخذها منك بأقساط عشر دنانير بالشهر
فمان الكريم
-------
بو عسكر:
هيهي... وهم هيهي
-------
سعود:
أنا بكيفي سميتك سعود
عاد والله خوش إسم... أنا ولد عمي إسمه سعود
لأن فيني نقص حنان سلمك الله
لووووووول والله حجي الحب ولا الضجيج ولا مادري وين... حتى لو مو بالسيارة هم يأذون الأوادم
عاد أنا ذاك اليوم مسوية حادث وقاعدة أفتر بشويخ على هالقرنبع
لأن اللي محطوط نكي مال ياهو مو إيميلي, بس ولا تزعل... حطيت إيميلي...عاد هالله هالله بنكت النمل والمحششين
-------
sn3a:
الله كريم يا وخيتي
حلت دنياج وآخرتج عساج تستانسين دوم
-------
barrak:
كلامك يفرحني لأن معناه إن الرسالة وصلت
لوووووووول إي مو كنت قاعدة أفكر بتوم وجيري
1/2 nice
O
1/2 there is no smoke without a fire
ولد الديرة:
شدعوة؟ بس نص؟! ما عليه... هم راضين
لووووووووول حياك الله حجي والساعة المباركة اللي نورت فيها البلوق
ولد الديرة:
ما جنه 2/1
تعليقك نقزة لو يتراوالي؟
شلون دريتي انه فيه نص نغزة :)
تدرين عاد
الحمد لله انه خالقني اشوف الصوبين و ما تخيلين شلون اهي نعمة من رب العالمين
و عليك الحساب عاد
على فكرة
الشرف لي
و عساك سالمة
هذي وجهة نظر الرجل
http://wildildeera.blogspot.com/
خبريني شرايج :)
Post a Comment