أنا عليمية...صح..ما أفهم بالسياسة...إي نعم..ماأدري عن هوا داري باللي قاعد يصير بالديرة ناهيكم عن العالم من حولنا...آمنا بالله
بس هو سؤال وجيه...لا تجاوبونا...لأ!...مشكورين وما قصرتوا, أبي كل واحد فيكم يجاوبه بينه وبين نفسه...السؤال يقول
لما أحد عزيز وغالي عليكم-الله لا يقول-يمرض...مرض جايد-الله يحفظنا وياكم والمسلمين...كلش موصل ...مرض عضال وكل ما فيه ما يترقع, ترضون أحد يعوده ويزوره ويقول لكم "الله يرحمه...عظم الله أجركم"؟
حبيبتنا مريضة...تئن وتشكي من الألم اللي فيها, وإحنا ما غيرنا دواها وطبيبها...عايشة على أجهزة الإنعاش, بدل ما تسعفونها تبون تفصلون عنها الكهربا
ما تقدرون...ما عليه...الله كريم والشكوى له...بس عاد تترحمون عليها؟
دورت على رمز لها يعبر عن اللي بخاطري...ما لقيت...رحت سويت واحد يمثل صورتها بقلبي
18 comments:
هذا البوست هو الزين كله الله يعطيج العافية
صج موشي الواحد يفقد الامل
والله الواحد يفتخر فيكم يا بنات الديرة
تسلم على هالكلام الطيب
بس هذا أقل شي الواحد يسويه
نورت البلوق طال عمرك
سوري المثال مو راكب
الي صاير الحين ان الي عزيز علينا كلنا مريض وقاعد يون بس الناس قاعده تقول حالنا زين والله لا يغير علينا فاحنا قاعدين نبين الامراض الي فيها بس الناس مو راضيه تتقبل
لمن الفساد يوصل القضاء
شنقول ؟؟
محكمة بريطانية حكمت بالقضية وهني يقولون لعدم كفاية الادلة
شنقول ؟؟
تحياتي لج
اشفيج عادي
طول عمرنا جذي تره
ماكو على التحلطم الكويتي
بس محد ينكر الكويت الاحسن في العالم
احلى شي الرسمه .. ابداع
تحياتي
حمودي:
هالناس اللي قاعد تقول عنهم عايشين بعالمهم الخاص والواحد غسل إيده من إنهم يصحون على الواقع المرير
بس هم تعظيم مصيبتنا أكثر مما هي عليه يضرنا ولا ينفعنا بشي, لأنه قاعد يدخلنا في دوامة يأس إحنا في غنى عنها, بالوقت اللي الديرة فعلاً محتاجة منا إن نفكر بجدية ...إحنا كشعب شنو ممكن نسوي بإتجاه هالوضع المزري بدون ما نأزم الوضع أكثر
حمد:
نقول غلط ونشوف لنا صرفة باللي قاعد يصير, لكن ما ننفض إيدنا ونستسلم
وتحياتي لك
q8i_blogger:
حلت دنياك وآخرتك يا محفوظ السلامة
الفكرة من التحلطم التنفيس حتى يقدر الإنسان يشحن طاقته للعمل على المشكلة, لكن مو حملة شعارها "ماكو فايدة", لأن هذا المفهوم من حجوة...الله يرحمه
الله يحييك
يا الزين
الرحمة حق الكل
الميت والحي
المريض والصاحي
النايم والقاعد
احنا يالزين مو متشائمين
بس نبي ننبه حق الأخطاء الكبيرة اللي قاعدة تصير
ومشكورة انج تعطينا الأمل في الاصلاح
اكرر كلام حمد
أختي العزيزة الزين كله
تحية طيبة
شكرا للصدفة اللتي جمعتني مع مدونتك..
أما بخصوص ماكتبتيه ..فشخصيا اتفق معكي وعندي كلام زيادة
إذا تم حفظ القضية فالعيب ليس في جهازنا القضائي حتى يتم الترحم عليه وإنما العيب في من قدم الادلة (الحكومة ممثلة بوزارة النفط) فالقضاء حفظ القضية لعدم كفاية الادلة وهو بهذا يثبت أنه قضاء نزيه ...نحن نعلم ان هناك سرقة تمت وبطلها هو المتهم ولكن الادلة والقائمين عليها يبدو لي عدم جديتهم في ابراز الدلائل..
وتقبلي تحياتي..
أخوك/
شـقـــــران
اولا عسا بلدنا دايم لنا بصحة وعافيه
وعسا الله يصحي الحكومة ترا اللي صاير فيها مو شي وما يبشر وكل المدونين خايفين عليها ويحاولون يعدلونها راح صوتهم من حبهم لها
وتسلمين حبيبتي
وعاشت الكويت :)
من أجل الكويت
لتصل الرسالة
مشاركتكم ضرورة
http://beit-elgrain.blogspot.com/2007/11/blog-post_09.html
فتى الجبل:
لا تشكرني على واجب
في الأزمات ما يفيد البني آدم شي إلا الأمل ورجاه برب العالمين, هو اللي يصبره ويعطيه القوة في محاولاته لإيجاد الحل
وانت صاج الرحمة اللي تجوز للحي والميت حق الأوادم مو للدول! أنا ماأقول إنه الواحد يسكت عالغلط, بس عاد مو جذيه...هذا تأزيم أكثر من كونه إعتراض
عاجل:
أكرر تعليقي لكلام حمد
والساعة المباركة وحياك الله في المدونة
شقران:
حياك الله
selezya:
اللهم آمين
ويسلمج عمري
بيت القرين:
وصلت
جكجكجكجكجكجكجكجكجكجكجك
اول مره اقرى بوست يشرح القلب عن الكويت
حتى بوستي عن الفيفا باط جبدي
وخذيت الصوره بحطها ببلوجي لو سمحتي
يعطيك العافيه
لوووووووووووووول يعني هذي شرباكة؟ يا انا! يا أنا! شعلي؟ قاموا ياخذون رسماتي...ما يندرى باجر اللوفر يدقون علي ويقولون لي بنحطها مكان الموناليزا
يعافيج عمري...إخذيها بس ترا ها!...حقوق الطبع محفوظة ;)
اي حيلج فيهم
عفيه عليج
ولا سوالف النكد والتحلطم هذي ما منها فايده بس تقصر العمر
على فكره الرسمه
شييييييييييييييييي
انا ملاحظة هالهبه هالأيااام في البلووقااات
مخلين ديرتنا ولا شي
أل إييييييييييييه أل
نصلح الفساااد
أنا اشوف هذا تشهير و تجريح لديرتنا
كمثال : اذا في بنت فاسدة
بمشي و اشهر فيها علشان أصلحهاا
اكيد لأ
الستر زيــــــــــن :):)
ومردناا للتراااب
والله حسيب الكل
توني يديد على البلوقات بس هالموضوع شغل في بالي موضوع كنت ناسيه بكتبه الحين ثانكس
Post a Comment