Friday, July 24, 2009

سؤال بريء....

قواكم الله حبايبي-
:]

شلونكم مع الويك-أند الماراثوني؟
جان زين يسوون الخميس إجازة كل أسبوع وترك... يصير وناسة، مو؟
:p

بس مو هذا سؤالي البريء
-هذا سؤال واحدة مو بس متفائلة إلا عايشة في "دنيا بمبي" على قولة سعاد حسني الله يرحمها
:p

سؤالي البريء يقول...

Why ... O'why?
يا مصممين العالم أنتوا مصرين إنكم تحسسونا إن إحنا متان وعمالقة؟!٠
٠
حق اللي مو شايفني منكم-
أنا طولي ١٥٠ ووزني ... هممم ... أقول ولا ما أقول؟ ... أقول ولا ما أقول؟ ... جنه مو لازم أقول، مو؟...٠
HaHa-
لا يبا بقول ما عندي مشكلة... وزني يا محفوظين السلامة هو ٦٥ كيلو بالتمام والكمال- الله يخليني لأميمتي
-إي والله يا قرائي الأعزاء تعبت و أنا آكل وآكل حتى أوصل لهالوزن

وآخرتها إيي مصمم ولد إبليس في شركة ملابس طايح حظها مثل...

Top Shop...
Zara...
Oysho...
Mango...
H&M...

وغيرهم من الشركات ويقوم أخينا الفذ يسوي قياسات حق ناس أجسامهم جنها أصابيع كتكات
n by KitKat i don't mean KitKat CHUNKY!
:S

يعني الباقيات الصالحات اللي من طقتي وأمتن يروحون ينتحرون أو يشترون فازلين بالجملة من الجمعية ويدخلون عمرهم غصب بالملابس!

يعني حتى توضح لكم الصورة أكثر
me darlingZ...

أنا مرة رحت أدور لي بلوزة واسعة وطويلة... طبعاً ما لقيت شي في محلات البنات، قلت
يمكن ألاقي شي في محلات الرياييل... وعجبتني الفكرة للحظة لأني تذكرت أيامي قبل ما أتحجب... شلون كان
نص كبتي من محلات الرياييل على بو كاجوال... المهم

I went to Top Man
وشفت لكم هذولي البلايز اللي يونسووووووووووووون.... طوال شحلوهم... وكل الألوان اللي تخطر عالبال
يوم ييت أقايس إلا... هَي-هَي ... وَي-وَي
الميديوم ما فاد... اللارج ماني قادرة أتنفس فيه... الأكس لارج بينبط إلا... صكني راسي
يعني اللي متعافي شوي من هالشباب أو المكرش شيسوي بعمره؟؟؟؟؟

حقيقة ... لا عزاء للمتينين


C u next Friday- inshAllah- BaBeZ :*****

11 comments:

Fishah said...

وااااي ياحلوو اقتراحج مال يوم الخميس .. بس انا من رايي يكون على طول مو اسبوع وترك عشان ما يتخربطون :P

وبعدين سالفة الهدوم والمقاسات .. مو بس انتي اللي تشكين من هالمشكله .. كلنا والله .. وبعدين بيني وبينج السوق صاير مو شي هالايام .. صارلي قرن ادورلي هدوم على مزاجي مالقيت

انزين ليش ماتجربين تخيطين لج فناتك :)

ميمة السبيت said...

** لوووووووووووووووووووووووووووول

ياحلاتج والله ، شوفي انا لما كنت حامل وصل وزني 75 و انا ترى نفس طولج و ما فاد معاي لا نادي و لا شي قمت و رحت حق د.بدر النصرالله صراحه عجييييب بس شوي يبييله إراده

الحين وزني 52 و يبييلج شوي تمشين حق الفخيذات عشان يتضبط الجسم سوي اللي قتلج و ادعيلي

5roofa said...

loooooool

حده معاااج انااا

شلونج يا حلوة شخبارج؟ طمنينا عليييج

salamz sweetee....

aL-NooR . said...

حده ســـــــؤال برىء
:Pp

***********
ماكو الا تفصليــــــــن
و الحين المعارض ..مالج محط ريل
هذا اذا لقيتي شي سنع
:Pp
******

النور~

bokeh of magic * said...

لوووووول اي و الله السؤال عجيب
انزين انا الملابس تدش فيني بس بالغصب يعني لما البسهم احس روحي عملاقه لابسه ملابس قزم ليش جذي ليش !
معنه وزني جريب الخمسين و طولي 154
بس هم ما يفيد
مالج غير انه تحفظين مديلات السوق و تروحين تيخطيينلج , احسن حل ;P

مشروع جديد ناجح said...

معك حق لاعزاء للسمنين

~PakKaramu~ said...

Pak Karamu visiting your blog

Eng.S said...

الزين وينج؟
اشتقنا لج اختي العزيزه
انشاء الله تكونين بخير و صحه

تحياتي
سالم

ام الخير said...

احلي شي اقتراح الخميس الله جان زين يسووونه ولو يعطونه رمضان كله بعد عطله وعلي سالفة اللبس امبي كلنا معاج حبيبتي تعاني

secret said...

غياب طويل جدًا

أتمنى أن ينقضي

:)

secret said...

أتمنى أن تكوني بخير :)